Nanatanteraka fitsidihana ara-pomba fanajana tamin’Andriamatoa Minisitry ny Tanora sy ny Fanatanjahantena, MARSON MOUSTAPHA Abdulah, ny Filohan’ny Confédération Africaine de Handball, Andriamatoa AREMOU Adolphe Mansourou, ny 30 may 2025.
Nandritra ity fihaonana ity dia niompana tamin’ny fanohizana sy fanamafisana ny fiaraha-miasa eo amin’ny Confédération, ny Minisitera, ary ny Federasiona Malagasy ny Handball ny resaka nifanaovana. Nohararaotina ihany koa ny fotoana nijerena akaiky ireo paikady sy vina hanohanana ary hampandrosoana ity taranja ity eto Madagasikara.
Naneho fankasitrahana manokana i Andriamatoa AREMOU tamin’ny fahaiza-manaon’i Madagasikara amin’ny fikarakarana sy fandraisana hetsika ara-panatanjahantena iraisam-pirenena. Nankasitraka manokana ihany koa izy ny fanjakana Malagasy noho ny fankatoavana amin’ny fomba ofisialy ny fandraisana ny lalao iraisam-pirenena IHF ho an’ny sokajy U17 sy U19 eto amin’ny Nosy.