Tontosa anio 15 Oktobra 2021 ny fifanaovan-tsoniam-piaraha- miasa eo amin’ny Malagasy RUGBY sy ny Ministeran’ny tontolo iainana sy ny fandrosoana lovainjafy.
Tonga nanome voninahitra izany Ramatoa Rosa RAKOTOZAFY, Tale jeneraly misahana ny Fanatanjahantena eo anivon’ny Ministeran’ny Tanora sy ny Fanatanjahantena izay nisolo tena an’Andriamatoa Minisitra MAMOD’ALI Hawel.
Nanotrona izany koa ireo mpiara-miombon’antoka amin’ny Malagasy Rugby sy ireo olo-manankaja hafa ary ireo solontena avy amin’ireo mpilalao ao amin’ny Makis an’i Madagasikara.
Marihina fa ny roa tonta dia hifanome tanana ny amin’ny fiarovana ny tontolo iainana eto Madagasikara izay anisany laharam-pahamehana ary ilaina fifanomezan-tanan’ny rehetra.
Santatra ambava-rano izao ary entina anehoana fa anisany mitondra makany amin’ny fampandrosoana ny fiaraha-miasa sy fiaraha-mientan’ny tsirairay.
