Miditra an-tsehatra androany 4 aogositra 2025 ny tanora malagasy izay mandray anjara amin’ny fihaonana an-tampon’ny Antenimieran’ny Tanora eto amin’ny Ranomasimbe Indianina. Misolo tena an’i Madagasikara amin’izany i Andriamanana Kaliana Larantsoa sy Rajaonson Aiky Ilouna.
Ho amin’ity fihaonana ity, dia hisy famelabelarana sy ady sisika ho ataon’izy ireo mifandraika amin’ny lohahevitra « Ny fiovaovan’ny toetany sy ny fandraisana andraikitry ny tanora eto amin’ny Ranomasimbe Indianina. »
Mitarika ny delegasiona malagasy any an-toerana ny Minisitra Moustapha Marson. Manotrona ny hetsika ihany koa ny Tale Jeneraly misahana ny Tanora, Ramatoa Rahajarijaona Arlette ary tale vitsivitsy eto anivon’ny Minisiteran’ny Tanora sy ny Fanatanjahantena.