CHAN : hifandona amin’i Maroc ny Barea amin’ny lalao famaranana

Tantara vaovao no nosoratan’ny Barea an’i Madagasikara. Hifandona amin’i Maroc amin’ny sabotsy 30 aogositra 2025 izao ny ekipan’ny Barea rehefa nandavo an’i Soudan teo amin’ny lalao manasa-dalana izay tena niady tokoa. Tany amin’ny minitra faha 116 tao anatin’ny fanalavam-potoana no nampiditra ny isa tokana i Toky izay nitarika ny fandresena ho an’ireto mahery fo ireto.

Voalohany teo amin’ny tantaran’ny ekipam-pirenena eo amin’ny taranja baolina kitra izao fahombiazana izao. Miarahaba sy midera ny Barea an’i Madagasikara ny Filoha Andry Rajoelina amin’izao fandresena izao ary mankahery azy ireo amin’ny lalao famaranana.