Notanterahana ny faha 12 oktobra 2022 any Kigali ny fivoriana fanomanana ara-teknika ny fanokafana amin’ny fomba ofisialy ny fihaonamben’ny komity mpitantana izay tarihin’ireo Minisitera misahana ny Tanora avy amin’ny firenena mikambana ao amin’ny YouthConnekt Afrika Summit.
Nandritra izany dia nisy ny fifanakalozana teo amn’ireo firenena mikambana ao anatin’ity vondrona ity mahakasika ny toe-java misy amin’ny tsirairay sy ny fivoaran-draharaha isaky ny firenena tao aorian’ny YouthConnekt Afrika 2021.
Miisa 30 ireo firenena Afrikanina mivondrona ao anatin’ny YouthConnekt Afrika ary anisany i Madagasikara izay ahitana delegasiona miisa 18 avy amin’ny Minisiteran’ny Tanora sy ny Fanatanjahantena, FIHARIANA, PNUD, UNFPA ary CRS; izay tarihan-dRamatoa Tsikitsiky RAZANAMASY, Tale Jeneraly misahana ny Tanora, nisolo tena ny Minisitry ny Tanora sy ny Fanatanjahantena, Andriamatoa TINOKA Roberto.
Ny faha 13 hatramin’ny 15 oktobra 2022 izao no hanatontosana ity fivoriam-be andiany faha-5 ity izay andraisan’ny Minisitera anjara.
« Resilient Youth, Resilient Africa», no lohahevitra mandritra ity fihaonambe ity.
