Nandray avy hatrany ireo mpanazatra matihanina avy any Chine izay notarihan’ny « Chargé d’Affaires » eo anivon’ny Masoivohon’i Chine miasa sy monina eto Madagasikara ny Minisitry ny Tanora sy ny Fanatanjahantena, Andriamatoa André Haja RESAMPA, ny 11 jolay 2023.
Tafiditra ao anatin’ny fanomanana ny Lalaon’ny Nosy andiany faha 11, izay hotanterahina eto Madagasikara ny 25 Aogositra hatramin’ny 03 Septambra 2023 ho avy izao izany.
Taranja ara-panatanjahantena miisa efatra (4) no misitraka ity fiofanana ity, toy ny « Tennis de table, Haltérophilie, Athlétisme ary ny Badminton ».
Nandritra izany dia nisaotra azy ireo ny fitondram-panjakana tamin’ny alalan’ny Minisiteran’ny Tanora sy ny Fanatanjahantena amin’ny fiaraha-miasa matotra efa misy eo amin’ny firenena roa tonta ary naneho fisaorana ihany koa izy ireo amin’ny fahatokisana hatrany ary nanamafy ny fahavononana amin’ny fanofanana sy fanohanana ireo atleta Malagasy mba ahazoana vokatra tsara mandritra ity lalaon’ny Nosy ity.
