Notanterahana ny 19 jona 2023, tao amin’ny Académie Nationale des Sports Ampefiloha, ny fanokafana ny tetikasa vaovao eo amin’ny sehatry ny fampiroboroboana ny hetsika ara-panatanjahantena ho an’ireo manana fahasembanana eto Madagasikara.
Tetikasa izay hiarahan’ny Minisiteran’ny ny Tanora sy ny Fanatanjahantena sy ny Madagascar Paralympique Commitee (MPC) ary ny Masoivohon’i Frantsa miasa sy monina eto Madagasikara misalahy izay vatsian’ny Minisiteran’ny raharaham-bahiny Frantsay.
Heritaona ny faharetan’ity tetikasa ity izay mifototra amin’ireto tanjona miisa 3 ireto:
– Fanamafisana ny firafitry ny Federasiona Malagasy ny Paralympiques.
– Fampiroboroboana ny sehatry ny fandraharahana amin’ny famokarana fitaovam-panatanjahantena ho an’ny manana fahasembanana.
– Ny fanentanana ny vahoaka momba ny fahasembanana amin’ny alalan’ny fanatanjahantena.
Tonga nanome voninahitra izany ireo tompon’andraikitra isan-tsokajiny ny eto anivon’ny Minisiteran’ny Tanora sy ny Fanatanjahantena.
