Taorina ny nahenoana ny fisian’ny haintany tany amin’ny distrika Tsihombe dia tsy niandry ela, fa nialoha lalana ny Filoham-pirenena tany an-toerana ny Minisitry ny Tanora sy Fantanjahantena no sady Minisitra mpiahy ny Faritanin’i Toliara,Atoa TINOKA Roberto.
Ankoatra ireo fanampiana vonjimaika nentina hiatrehana ny zava-misy aty an-toerana izay nozaraina nandritra ny fandalavon’ny Filoham-pirenena ny 03/10/20 dia hametraka ivo-toerana fanjariana sakafo hiadiana amin’ny haintany ny fitondrana ankehitriny, tsy hadino ihany koa ny vahaolana maharitra hoan’ny rano fisotro madio izay anisany velirano nataon’ny Filoham-pirenena.
Andriamatoa Minisitra TINOKA Roberto amin’ny maha minisitra mpiahy ny Faritanin’i Toliara ny tenany dia tsy mikely aina amin’ny fitadiavana vahaolana manoloana ireo olana misy aty Atsimo ary miezaka hatrany mijery ifotony ny zava-misy sy mitondra fanampiana ara-potoana. Na dia eo aza anefa ireo fiahina ara-tsôsialy ataony dia tsy ataony ambanin-javatra ihany koa ny fampiroboroboana ny tanora sy ny fanatanjahantena malagasy izay ministera tantaniny.
Diplomasia ara-panatanjahantena: Minisitra Marson Moustapha Abdulah tao amin’ny Foara Fanatanjahantena Iraisam-pirenena tany Ejipta
Le Ministre de la Jeunesse et des Sports de Madagascar, Marson Moustapha Abdulah, a honoré de sa présence l’ouverture du Salon International du Sport en Égypte, c'était hier matin en présence du Premier Ministre égyptien, Moustapha Madbouli, et du Ministre...
