Nandritra ny fandalovan’ny Filoham-pirenena Andry RAJOELINA tao Mahajanga, dia nandray ireo mpilalao baolina kitra izay mandrafitra ny ekipam-pirenena Beach Soccer ny tenany
Tamin’ny fandraisam-pitenenana izay nataony no niarahabany ireto mpilalao izay nitondra avo ny voninahim-pirenena.
Raha tsiahivina dia nandresy an’i Seychelles i Madagasikara tamin’ny lalao mandroso sy miverina.
Fandresena roa sosona izay nitondra an’i Madagasikara hiatrika ny fifaninanana CAN Beach Soccer izay hatao ny 21 hatramin’ny 29 oktobra 2022, any Mozambika.
Noho izany dia hanohana ny ekipam-pirenena Barea Beach Soccer ny Filoham-pirenena manokana sy ny Fitondram-panjakana amin’ny alalan’ny fanomezana tosika isam-bolana mitetina 500.000 Ariary ny volana Aogositra hatramin’ny Octobra 2022 hiaingana.
Hisy ihany koa ny fanohanana amin’ny fampivondronana ary fandraisana anjara avy amin’ny Fanjakana amin’ny fandehanana miatrika ny lalao.
Hojerena ihany koa ny toerana hahafahana mametraka foto-drafitrasa ho an’ny Beach Soccer.
Nanolotra rafraîchissement 200.000 Ar ho an’ny mpilalao tsirairay sy ny mpitantana koa ny tenany.
