Notanterahina ny 20 aprily 2023, tao amin’ny Kianja Barea Mahamasina ny fivoriana momba ny fandaminana rehetra mahakasika ny fankalazana ny andro manerantany ny fanatanjahantena ho amin’ny fampandrosoana sy ny filaminana.
Hetsika izay natao indrindra hampiasaina ny fanatanjahan-tena hitandroana ny fahasalamana satria tsapa fa nihamaro ny aretina sy olona marefo vokatry ny COVID-19.
Nanatrika izany avokoa ireo tompon’andraikitra isan-tsokajiny izay miara misalahy amin’ny fanatontosana ity hetsika ity, izay nahitana ny eo anivon’ny Minisiteran’ny Fahasalamana, ny Kaominina Antananarivo renivohitra, ny Polisim-pirenena, ny Cisco Antananarivo renivohitra ary ny solontena avy amin’ny fikambanana Tanora sy ireo mpiara miasa eto amin’ny Minisitera, ny ASIEF ary ireo mpanentana rehetra
Ny alahady 23 aprily 2023, amin’ny 8 ora maraina ny fotoana ho an’ny rehetra eo anoloan’ny Lapan’ny tanana Analakely.
Tsy misy vidim-pidirana
Tsy misy fisoratana anarana
Hisy toerana hanaovana vaksiny maimaimpoana
Manentana antsika rehetra ho tonga maro hiaraka hiala voly amin’ny alalan’ny fanatanjahan-tena mba hitandroana ny fahasalamana.
