Notanterahina anio Asabotsy 24/10/20 ny fametrahana ara-pomba ôfisialy ireo Ben’ny tanàna rehetra voafidy tato amin’ny distrikan’i Ambovombe Androy.
Tonga nampisalotra samboady azy ireo ny Minisitry ny tanora sy fanatanjahantena no sady Minisitra mpiahy ny Faritanin’i Toliara, Atoa TINOKA Roberto. Lanonam-panjakana izay notronon’ireo olom-boafidy sy ireo manam-pahefana maro isan-karazany.
Taorinan’i Ambovombe Androy dia nihazo ny Distrikan’i Tsihombe indray ny Minisitry ny tanora sy ny fanatanjahantena no sady Minisitra mpiahy ny Faritanin’i Toliara, Atoa TINOKA Roberto.
Fotoana izay nametrahana ny samboady hoan’ireo Ben’ny tanàna rehetra voafidy tato amin’ity distrika ity. Sambany teto amin’ny tantaran’ny firenena malagasy no nisy hetsika ataon’ny solotenan’ny fitondrana toy izao ka haravoana no hita taratra tamin’ireo rehetra tonga nanatrika ity lanonana ity.
Tsy hisy intsony ny faritra lavitra andriana hoy Atoa Minisitra.Toy ny nataony tamin’ireo izay efa nosalorany samboady dia mbola nohamafisiny ny fitantanana madio sy mangaraharaha ary ny fitsinjovana ny vahoaka.
