Raha tiana ny hanangana sy hanana fiarahamonina na fokontany miaina anaty filaminana dia tomponandraikitra voalohany amin’izany ny mponina ao aminy. Izay no anisany filamatra voizina amin’ity tetik’asa fametrahana fandriam-pahalemana maharitra na « Consolidation de la paix/PBF » izay iarahan’ny Ministeran’ny Tanora sy ny Fanatanjahantena miasa miaraka amin’ireo mpiara-miombon’antoka aminy toy ny UNFPA sy ny famatsia-mbolan’ny Firenena mikambana UNPBF.
Mba hahafahana manovo traikefa sy hizarana izany amin’ireo faritra iasana, dia nisy ny fiofanana izay natao teto Antsirabe ho an’ireo tompon’andraiki-mpanjakana, ireo teknisianina sy mpiantsehatra amin’ny fiaraha-monim-pirenena mahakasika ny lohahevitra rehetra tokony fehezina mahakasika ny « Consolidation de la paix » ary indrindra ny fampitana sy ny fampiharana izany amin’ny alalan’ny Dinidiniky ny mpiara-belona na « Dialogue communautaire ». Ramatoa Tale Jerenalin’ny Tanora no nitondra ny teny fanokana sy nampita ny hafatrin’ny Minisitry ny Tanora sy ny Fanatajahantena,Atoa TINOKA Roberto ny amin’ny maha zava-dehibe ny fiofanana toy izao ho fampandrosoana ny fiarahamonina sy ho fanatrarana ny tanjona napetraky ny IEM.