Nanatanteraka valan-dresaka ho an’ny mpanao gazety ny Ministeran’ny Tanora sy ny Fanatanjahantena mahakasika ny fandaharan’asa « YouthConnekt Madagasikara Fanoitra » izay sehatra iray ampivondronana ny tanora mpiantsehatra amin’ny fandraharahana sy ireo tantsoroka mampivoatra. Ity fandaharan’asa Youthconnekt iaraha-miasa amin’ny Pnud Madagascar ity dia manome lanja ny fandraharahana sy ny fampananan’asa ho an’ny tanora, ny fampiofanana sy ny fahaiza-manao, ny fifaninana sy fanohanana ireo tetikasa mendrika, ary ny fanomezana lanja ny fizakan-tenan’ny tanora. Raha tsiahivina dia tetikasan’ny Filohan’i Rwanda Paul Kagame ny « youthconnekt » izay efa miparitaka manerana ny Afrika ankehitriny. Isika eto Madagasikara dia hampihatra ny « Youthconnekt Madagasikara Fanoitra » izay eo ambany fitarihin’Atoa TINOKA Roberto, Minisitry ny Tanora sy ny Fanatanjahantena.
MANANJARY: KIANJA MANARAPENITRA
Efa ny 95% ny asa fanamboarana ny Kianja Manarapenitra ao Mananjary no vita ankehitriny. Tsy ho ela dia ho afaka hampiasa ity fotodrafitrasa goavana ity ny tanora eto an-toerana. Ity kianja ity moa dia isan'ireo fampanantenana nataon'ny Filoha Andry RAJOELINA tamin'ny...
