Araka ny kabary izay nataon’ Andriamatoa Filoham-pirenena Andry RAJOELINA amin’ny fampiroboroboana ny taranja Tsipy kanetibe, dia tonga nitafa sy nidinika niaraka tamin’Andriamatoa minisitra André Haja RESAMPA, tao Ambohijatovo ny Filohan’ny Federasiona Malagasy ny taranja tsipy Kanetibe, Andriamatoa ANDRIALEMIROVASON Amiroudine, ny 24 febroary 2023.
Noresahina tao anatin’izany ny hanatanterahana ny « Coupe du Président » izay hatao eny anivon’ny faritra 23, izay iarahan’ny Ministera sy ny Federasiona ary ny Governoram-paritra.
Anisany voaresaka ihany koa ny momba ny foto-drafitrasa ho an’ny taranja tsipy kanetibe izay hojerena akaiky ny fomba mety hanatanterahana azy miainga amin’ny fijerena toerana.
Naneho ny fahavononany ny roa tonta amin’ny fiaraha-miasa sy ny hijerena ny hoavin’ny taranja tsipy kanetibe, izay taranja isany tena mampisongadina an’i Madagasikara indrindra eo amin’ny sehatra iraisam-pirenena.
