Fotoana fohy taorinan’ny nandraisan’Andriamatoa Minisitry ny Tanora sy Fanatanjahan-tena, MARSON MOUSTAPHA Abdulah ny toerany dia tonga nitsidika azy avy hatrany ny Masoivoho frantsay, Andriamatoa Arnaud GUILLOIS ny Alakamisy faha 29 aogositra 2024.
Ny votoatin’ny fihaonana dia fiarahabana an’Atoa Minisitra amin’ny fanendrena azy hitantana ny Ministera, ary ho fanamafisana ny fiaraha-miasa mari-pototra eo amin’ny roa tonta.
Nankasitraka ny fanatrehan’ny Filoham-pirenena Andry RAJOELINA ny fanokafana ny lalao olaimpika izay natao tany Paris ny tenany.
Navoitra nandritra ny fihaonana ny fanohizana ireo tetikasa rehetra efa nisy toy ny an’ny taranja Handisport, Rugby, Ampy’zay amin’ny lafiny fanatanjahantena. Ny lafiny tanora dia fanohizana ny fanampiana ny tanora amin’ny lafiny fandraharahana. Teo amin’ny lafiny foto-drafitrasa dia nanamafy isika ny amin’ny fangatahana fanohanana amin’ny fanavaozana ireo foto-drafitrasa toy ny Tranoben’ny Tanora ary ny fampiofanana ireo mpiasa eo anivon’ny Ministera amin’ny lafiny fitantanana sy fikojakojana foto-drafitrasa.
