Miatrika avy hatrany ny asa fanatanterahana ireo vina ho an’ny Tanora sy ny Fanatanjahantena, ao amin’ny Faritra Menabe ireo iraka manokan’Atoa MAMOD’ALI Hawel, Minisitry ny Tanora sy ny Fanatanjahantena.
Teknisiana tarihin’Atoa RALAIVAO Lovatiako, Sekretera Jeneraly, omban’ireo tompon’andraikitra voalohany avy ao amin’ny ANS, TAFITA, INJ, CNSE no mitarika ny asa amin’ireto sehatra 5 ireto :
– Sekolin’ny fanatanjahantena
– Fampiroboroboana ny fanatanjahantena amin’ny tora-pasika
– Fotodrafitrasa sy fampitaovana
– Fiofanana fahaiza-miatrika fiainana sy vonjy aina
– Tosika ho an’ny fandraharahana.
Nanomboka ny faha-17 febroary ny asa, izay nialohavan’ny fihaonan’ireo ekipa tamin’ny Governoran’ny Faritra sy ny Prefektioran’i Morondava ary ireo mpiasan’ny Fitaleavam-paritra.
Samy naneho ny fahavononany avy ireo tompon’andraikitra ho fampiroboroboana ny tanora sy fampandrosoana ny fanatanjahantena ato amin’ny Faritra.
