Notanterahana ny 18 jona 2023 ny famaranana ny fiadiana ny tompondakan’i Madagasikara sokajy N1B taranja Basketball, izay natao tany Morondava ny 10 hatramin’ny 18 Jona 2023 lasa teo. Miarahaba ny ekipan’ny COSFA izay voahosotra ho tompondaka ny taona 2023.
Notolorana fanomezana avokoa toy ny baolina sy fanamiana ireo ekipa efatra voalohany, izay avy amin’ny Minisiteran’ny Tanora sy ny Fanatanjahantena izay tarihan’Andriamatoa Minisitra André Haja RESAMPA.
Tonga nanatrika izany ny Talen’ny kabinetra eto anivon’ny Ministera, Colonel RALAIKOTO Hajatiana, izay nisolotena ny Minisitry ny Tanora sy ny Fanatanjahantena.
Nandritra ny lahateniny no nisaorany ny Faritra Menabe naneho firaisankina tamin’ny fampiantranona izany ary nisaotra ihany koa ny Federasiona Malagasy ny taranja Basketball sy ny Ligim-paritra Menabe tamin’ny fahatontosana ity fifaninanana ity.
