Mandray anjara amin’ny atrik’asa mitondra ny lohahevitra : « Rafitra fanairana hisorohana mialoha ny disadisa mety hitranga », etsy amin’ny Hotel Ibis Ankorondrano ny solontena avy amin’ny Minisitera, ny 21, 22 Aprily 2022.
Fikambanana maro samihafa toy ny OBS – MADA, PNUD, Fonds Pour la Consolidation de la Paix, ONG Ravintsara, MSIS, Ivorary, AIM, Sifaka, Alliance Voahary Gasy ary SAFIDY, no miara-mientana amin’ny tanora hametraka filaminana sy fandriampahalemana maharitra na « Système d’Alerte Précoce pour la Prévention des Conflits (SAP-PC).
Andriamatoa RAJOHARISON Andrianinana, Sekretera maharitra ny CCMAJ eto anivon’ny Minisitera no nisolotena an’Andriamatoa TINOKA Roberto, Minisitry ny Tanora sy ny Fanatanjahantena mandritra izany atrik’asa izany.
Ny tanjona dia ny famporisihana ny olom-pirenena, indrindra ireo tanora hisitraka sy handray ny andraikiny eo amin’ny raharaham-pirenena mba hitondra fanovana.
